Әділет министрлігінің түсіндіруінше, "Атқарушылық iс жүргiзу және сот орындаушыларының мәртебесi туралы" заңының 93-бабына сәйкес сот орындаушысы алимент өндiрiп алу туралы атқару парағын орындау кезiнде борышкердiң жалақысы мен өзге де кiрiстерiнен ақы өндiрiп алады.
Сонымен қатар, Қазақстан Республикасы Әділет министрінің 2014 жылғы 24 желтоқсандағы бұйрығымен кәмелетке толмаған балаларды күтіп-бағуға алимент ұсталатын еңбекақы және өзге де кіріс түрлерінің тізбесі бекітілген.
"Тізбенің 1-бөлімінің 12-тармағына сәйкес, алимент мүлікті жалға беруден түскен табыстан ұсталады. Осыған орай, алимент пәтерді жалға беруден түскен қаражаттан өндірілетінін ескертеміз", – деп мәлімдеді министрлік.