Жедел-іздестіру іс-шараларын жүргізу барысында павлодарлық жедел уәкілдер Toyota Land Cruser 200 маркалы автокөлікті өртеуге қатысқан адамдарды анықтады.
"Павлодар тұрғыны ақшалай сыйақы үшін осы қылмысты алдын ала ұйымдастырып, жоспарлағаны анықталды. Ол Алматы тұрғынына автокөлікті өртеуді ұсынып, ол келісіп, тез тұтанатын сұйықтықты пайдаланып, Майра көшесіндегі үйдің тұрағында автокөлікті өртеп жіберді, содан кейін қылмыс орнынан қашып кеткен. Бөтеннің мүлкін қасақана жою фактісі бойынша сотқа дейінгі тергеу жүргізілуде. Күдіктілер ұсталды", - деді Павлодар облысы ПД криминалдық полиция бастығы Балғабай Қапаров.