Орал қаласындағы түнгі клубтардың біріне ер адам кірмекші болған, алайда мекеме күзетшілері мас күйде болып, өзін дөрекі ұстағандықтан оны мекемеге кіргізбеген.
"Сол кезде ол жанындағы азаматпен бірге күзет қызметкеріне пышақ жарақатын келтірген. Бір топ келушілер мен күзет қызметкерлері, бұзақы адамды полиция қызметкерлері келгенше ұстап, соққыға жыққан. Ер адамға қатысты денсаулыққа қасақана ауыр зиян келтіру және бұзақылық фактілері бойынша сотқа дейінгі тергеу басталды, ол уақытша ұстау изоляторына қамалды. Бұзақылық фактісі бойынша мекеме күзетшілеріне қатысты сотқа дейінгі тергеу басталды. Олардың бірі уақытша ұстау изоляторына қамалды". БҚО ПД баспасөз қызметі
Қазіргі уақытта полиция оқиғаның барлық қатысушыларын анықтап, ұстады.
Тергеу әрекеттері жүргізілуде.
Бұған дейін Ақтөбе маңында жаяу жүргіншіні қағып, мерт еткен жүргізушіге іздеу жарияланғаны хабарланған.