2024 жылдың 24 қыркүйегі мен 19 қазаны аралығында белгісіз адамдар зауыттың қабырғасын бұзып, кәсіпорын филиалының суық қоймасына заңсыз кірген. Олардың олжасының жалпы құны 46 568 488,41 теңгені құрады.
"Полиция қызметкерлерінің жедел әрекет етуінің арқасында күдіктілер анықталды. Олар алдын ала келісіп әрекет еткен үш ер адам болып шықты. Жоспарлары қаншалықты батыл болса да, сәттілік ұзаққа созылмады, барлығы ұсталып, уақытша ұстау изоляторына қамалды. Тергеу әлі де жалғасуда". ҚР ІІМ баспасөз қызметі
Ал кәсіпорын иелері полиция қызметкерлеріне шұғыл әрі кәсіби жұмысы үшін алғыстарын білдіріп, бұл жағдай заңды бұзғысы келетіндерге сабақ болатынына сенімдерін жеткізді.