Жоғары басшы және жоғары офицерлік құрамдарының арнаулы атақтары немесе сыныптық шендерді беру:
- Қазақстан Республикасы Президентімен лауазымдардың белгіленген тізбесіне сәйкес Қазақстан Республикасы Президентінің Жарлығымен беріледі
Жоғары басшы және жоғары офицерлік құрамдарының арнаулы атағы, сыныптық шені:
- генерал-майор, 3-сыныпты мемлекеттік кеңесші қызметкерге жоғары басшы және жоғары офицерлік құрамдар лауазымының алдындағы лауазымда полковник, аға кеңесші атағында болғанына үш жыл өткеннен кейін және жоғары басшы және жоғары офицерлік құрамдар лауазымында кемінде бір жыл қызмет еткеннен кейін берілуі мүмкін;
- генерал-лейтенант, 2-сыныпты мемлекеттік кеңесші кемінде үш жыл генерал-майор, 3-сыныпты мемлекеттік кеңесші арнаулы атағында, сыныптық шенінде болған қызметкерге берілуі мүмкін;
- генерал-полковник, 1-сыныпты мемлекеттік кеңесші кемінде үш жыл генерал-лейтенант, 2-сыныпты мемлекеттік кеңесші арнаулы атағында, сыныптық шенінде болған қызметкерге берілуі мүмкін.
Қазақстан Республикасы Президентінің шешімі бойынша жоғары арнаулы атақ, сыныптық шен мерзімінен бұрын берілуі мүмкін.
Қызметкерде алынбаған тәртiптiк жазасы болғанда, немесе оған қатысты қызметтік тексеріс жүргізу кезінде, ол жоғары басшы және жоғары офицерлік құрамдарының арнаулы атағына, сыныптық шеніне ұсынылуы мүмкін емес.
Жоғары басшы және жоғары офицерлік құрамдарының арнаулы атағын, сыныптық шенін беру мәселесін қарастыруға Қазақстан Республикасының Президент Әкімшілігінің жазбаша сұрау хаты негіз болады.
Қызметкерге жоғары басшы және жоғары офицерлік құрамдарының арнаулы атағын немесе сыныптық шенін беру шешімі комиссия отырысында қабылданады.
Комиссия отырысының қорытындылары бойынша жоғары басшы және жоғары офицерлік құрамдарының арнаулы атағын немесе сыныптық шенін беру туралы ұсыным дайындалады.
Жоғары басшы немесе жоғары офицерлік құрамның арнаулы атақтарында немесе сыныптық шендерінде төмендету және қалпына келтіру
Жоғары басшы және жоғары офицерлік құрамдарының қызметкерлеріне қатысты арнаулы атақты немесе сыныптық шендi бiр сатыға төмендету тәртiптiк жазалау шарасы ретiнде қолданылады.
Жоғары басшы және жоғары офицерлік құрамдарының арнаулы атақты немесе сыныптық шендi бiр сатыға төмендету Қазақстан Республикасы Президентінің Жарлығымен жүзеге асырылады.
Жоғары басшы және жоғары офицерлік құрамдарының қызметкерлеріне арнаулы атақты немесе сыныптық шендi бiр сатыға төмендету тәртіптік жазасы құқық қорғау орган немесе арнайы мемлекеттік орган немесе азаматтық қорғау саласындағы уәкілетті орган басшысының ұсынымы, сонымен қатар Қазақстан Республикасы Президентінің шешімі бойынша беріледі.
Жоғары басшы немесе жоғары офицерлік құрамдарының қызметкерімен тәртіптік теріс қылық жасаған жағдайда одан жазбаша түсініктеме талап етіледі.
Қызметтік тексеріс жүргізіліп жатқан қызметкер түсініктеме беруден бас тартқан жағдайда оған қатысты тиісті акт жасалады. Түсініктеме беруден бас тарту қызметтік тексерісті тоқтатпайды.
Арнаулы атақты немесе сыныптық шендi бiр сатыға төмендету тәртiптiк жаза қолдану Қазақстан Республикасы Президентінің шешімін қоспағанда, қызметтік тексеріс нәтижелері бойынша жүргізіледі.
Қызметтік тексеріс материалдары, сондай-ақ арнаулы атақты немесе сыныптық шендi бiр сатыға төмендету туралы ұсынымы Қазақстан Республикасы Президентінің Әкімшілігіне жіберіледі.
Арнаулы атақты немесе сыныптық шендi бiр сатыға төмендету тәртіптік жаза қолдану туралы Қазақстан Республикасы Президентінің Жарлығында жаза тағайындалған құқық бұзушылықты, жазаның түрін және ол тағайындалған адамды көрсетеді.
Құжат 8 наурызға дейін жария талқылау үшін "Ашық НҚА" сайтында орналастырылған.