"Лада" басылымы Маңғыстау облысы ПД баспасөз қызметіне сілтеме жасай отырып, құқық қорғау органдары әлеуметтік желідегі видеоны назарға алғанын, соған сәйкес тексеру жүргізгенін хабарлайды.
"Жартасқа жазуды 2002 жылғы азамат қалдырғаны анықталды. Ол ҚР ӘҚБтК-нің 434-бабы - "Ұсақ бұзақылық" бойынша әкімшілік жауапкершілікке тартылды. Айыппұл көлемі - 20 АЕК немесе 78 640 теңге", - делінген құзырлы орган хабарламасында.
Бұған дейін әлеуметтік желіде демалушы бір топ адамның теңіз жағасына қоқыс тастап кеткенін, онымен қоймай жартасқа қызыл бояумен "Ұштаған" деп жазу қалдырғанын айтқан әйел адамның видеосы пайда болған.