"Сарыарқа" арнайы экономикалық аймағы (АЭА) Қарағанды облысының аумағында, Қарағанды қаласы мен Қарағанды облысы Бұқар жырау ауданының әкімшілік-аумақтық шекараларының ішінде орналасқан.
АЭА порттық арнайы экономикалық аймақ болып табылады.
АЭА аумағына "Сары-Арқа" әуежайы кіреді және ол Қазақстан Республикасының аумағының ажырамас бөлігі болып табылады. Енгізілген түзетулерге сәйкес, АЭА аумағы 1253,056 гектардан 1271,626 гектарға дейін ұлғайтылды.
АЭА құрамына мыналар кіреді:
- "Сарыарқа" арнайы экономикалық аймағы – 898,97 га (бұрын 880,4 га болған);
- 1-субаймақ "Кремний алқабы" – 60,11 га;
- 2-субаймақ "Сары-Арқа" әуежайы – 312,5460 га.
Сонымен қатар, 2036 жылға дейінгі "Сарыарқа" арнайы экономикалық аймағының мақсатты индикаторлары жаңартылды:
- жалпы инвестициялар көлемі 677,2 млрд теңгеге жетеді. Бұрынғы редакцияда 2035 жылға қарай 423 млрд теңге, ал 2037 жылға қарай 455 млрд теңге деп көрсетілген болатын;
- шетелдік инвестициялар көлемі өзгеріссіз қалады – 144,5 млрд теңге;
- отандық инвестициялар көлемі 310,5 млрд теңгеден 532,7 млрд теңгеге дейін артады;
- АЭА аумағында тауарлар мен қызметтердің (жұмыстардың) өндірісі көлемі – 1552,2 млрд теңге;
- қатысушылар саны 31-ден 39-ға дейін өседі;
- қосалқы қызмет түрін жүзеге асыратын тұлғалар саны 75-тен 85-ке дейін көбейеді;
- жұмыс орындарының саны 4500 адамды құрайды;
- өндірістің жалпы көлеміндегі қазақстандық үлес 70% болады.
Қаулы 2025 жылғы 18 тамыздан бастап күшіне енді.