Шымкент гарнизонының әскери прокуратурасы бұл жер теліміне қатысты заңсыздықтың 1999 жылдан бері жүзеге асып келе жатқанын тіркеді.
"Гарнизон прокуратурасы әскери бөліммен бірлесіп, сот тәртібімен сатып алу-сату шарттарының жарамсыз деп танылуын қамтамасыз етті. Нәтижесінде құны 1 миллиард теңгеден асатын жер учаскесі мемлекет меншігіне қайтарылып, әскери ведомствоның балансына берілді". Бас әскери прокуратураның баспасөз қызметі
Көрсетілген бағыттағы жұмыстар жалғасын табады.
Бұған дейін Ақтау әуежайы маңындағы ірі жер телімі мемлекет меншігіне қайтарылғаны хабарланған.