Қазақстанда жекелеген аурулар бойынша мүгедектікті белгілеудің балдық жүйесі енгізіледі

Фото: pixabay
Еңбек және халықты әлеуметтік қорғау министрлігі мен Денсаулық сақтау министрлігі сырттай проактивті куәландыру кезінде жекелеген аурулар бойынша мүгедектікті белгілеудің балдық жүйесін енгізуге арналған пилоттық жобаны әзірледі, деп хабарлайды Zakon.kz.

Жоба медициналық-әлеуметтік сараптамаға жолдау және оны жүргізу тәртібін жетілдіруді көздейді. Ол үшін Дүниежүзілік денсаулық сақтау ұйымының қызмет ету, тіршілік әрекеті мен денсаулық шектеулерінің халықаралық жіктемесіне негізделген бағалау жүйесі қолданылады.

Балдық жүйе белгіленген өлшемшарттар мен ақпараттық жүйедегі автоматтандырылған есептеу арқылы адам ағзасы қызметінің бұзылу деңгейін және оның күнделікті өміріндегі шектеулерді объективті бағалауға мүмкіндік береді.

Еңбек министрлігінің мәліметінше, жаңа тәсіл медициналық-әлеуметтік сараптамаға негізсіз жолдау жағдайларын азайтуға, сондай-ақ қабылданатын шешімдердің объективтілігін, ашықтығы мен негізділігін арттыруға бағытталған.

Бұдан бөлек, жүйе субъективті факторды төмендетіп, азаматтардың күнделікті өміріндегі шектеулерді бағалауда бірыңғай тәсілді қамтамасыз етуге тиіс.

Құжат 6 қазанға дейін жария талқылау үшін "Ашық НҚА" порталында орналастырылды.

Қазақстан
Шымкент
Алматы
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Санжар Ерұланұлы дзюдодан жасөспірімдер арасында әлем чемпионатында топ жарды

Ұлытау облысында жыл басынан бері дрифт жасаған 14 көлік жүргізушісі жауапқа тартылды

Дзюдошы Асқар Біржанов жасөспірімдер арасында әлем чемпионатының қола жүлдегері атанды

1200-ден астам құқық бұзушылық: Астанада жаппай рейд жүріп жатыр

Астана, Алматы және Шымкент қалалары бойынша алдағы бес күнге арналған ауа райы болжамы