Квинсленд қаласында жедел жәрдем дәрігерлері қатерлі ісік салдарынан демі үзілейін деп жатқан 72 жастағы Рон Маккартнидің соңғы тілегін орындады. Фельдшерлер оның жақсы көретін балмұздағын алу үшін «Макдоналдсқа» баруға келіскен. Бұл туралы Daily Mail басылымына сілтеме жасап Stan.kz хабарлайды.
«Анам екеуіміз жедел жәрдем дәрігерлеріне қалай алғыс білдіретінімізді білмеймін. Олар әкемнің жағдайы нашарлаған сайын келіп тұрды», – дейді Ронның қызы.
Рон Маккартни қатерлі ісіктен зардап шеккен. Ол өлер алдында тек бір нәрсені жасап үлгергісі келіпті – өзінің сүйікті тәттісін жеу. Қарияның қызының айтуынша, балмұздақ – әкесінің өздігінен жей алатын жалғыз асы болған.
«Ронның әйелі оның соңғы екі күн бойы нәр татпағанын айтты. Сол кезде біз одан: «Егер бірдеңе жей алсаң, нені таңдар едің?» – деп сұрадық. Пациент: «Жеміс қосылған карамельді балмұздақ», – деп жауап берді», – дейді жедел жәрдем қызметкері.