Роман Склярдың айтуынша, үкімет автонесие бойынша жұмыстың бір бөлігін атқарған.
"Оған салынған қаражат көлемі - 188 млрд теңге, бұл әзірше жеткілікті. Айналымдағы қаражатты ұлғайту үшін жақын арада бұдан артық инвестиция салмаймыз. Өйткені алдымызда бұдан да маңыздырақ міндеттер тұр. Бағдарлама жүзеге асты. Әрине, тұрғындар тарапынан несие саны бойынша сұрақтар бар. Бірақ қаржыландыру револьверлік негізде жүреді, біз бұл ақшаны алмаймыз".Роман Скляр
Ол бұған дейін "Бәйтерек" холдингі бюджеттен аталған бағдарламаға 88 млрд теңге көлемінде қаржы алғанын атап өтті. Қалдықтарды жинау қорынан тағы 100 миллиард теңге аударылды.
"Бұл бағдарламаны қайта қаржыландыру арқылы жалпы сомасы 188 млрд теңге айналымда. Әрі қарай бұл жұмысты "Бәйтерек" холдингі еншілес компанияларымен жалғастырады".Роман Скляр
2023 жылдың 6 ақпанында сағат 10:00-де Қазақстанда жеңілдетілген автонесие бағдарламасына қатысуға өтініш қабылдау басталды. Іске қосылғаннан кейін бірден халық әлеуметтік желіде өтініш бере алмай жатқанын айтып, шағымданды. Түске таман жеңіл көліктерге берілетін несие 18 секундта-ақ таратылғаны белгілі болды.
Кейін "Өнеркәсіпті дамыту қоры" АҚ (ӨДҚ) autonesie.kz сайтында жеңілдетілген автонесие алуға өтініш беру кезінде жиі кездесетін қателер интернет-провайдерлердің кесірінен және сұраныстарды қабылдаудың аяқталуына байланысты туындайтынын түсіндірді.
7 ақпанда үкімет отырысында Қаржы министрі Ерұлан Жамаубаев әзірше жеңілдетілген автонесие бағдарламасына қосымша қаражат бөлуге өтініш түспегенін айтты. Ол "автонесиеден басқа өте әлеуметтік маңызы бар жобалар бар" деді.
8 ақпанда "Өнеркәсіпті дамыту қоры" АҚ autonesie.kz платформасының алғашқы іске қосылғандағы нәтижесін ұсынды.
