Комиссия "Қазақстандағы сайлау туралы" заңда жасырын дауыс беруге арналған кабиналарда міндетті түрде перделердің болуы туралы талап көрсетілмегенін түсіндірді.
"Бірақ заңның 8-бабына сәйкес дауыс беру құпия түрде жүзеге асады. Бұл сайлаушылардың еркін дауыс беруіне қандай да бір бақылау жасау мүмкіндігін жоққа шығарады. Сонымен қатар учаскелік сайлау комиссиясы дауыс беру кезінде ешкім қатыспауы және көрмеуі керек деген ережені сақтайды", - делінген хабарламада.
19 наурызда Қазақстанда парламент мәжілісі депутаттары мен мәслихат депутаттарының сайлауы өтіп жатыр. Сағат 14:10-дағы ақпарат бойынша сайлаушылардың 46,84%-ы дауыс беріп үлгерген.
Бұған дейін Бас прокуратура өкілі дауыс беру рәсімі басталғалы бері ықтимал заң бұзушылықтар туралы 25 шағым түскенін айтқан. Олар көбіне Шығыс Қазақстан облысында тіркелген.
