Депутат Ерлан Саиров Әлихан Смайыловтан премьер-министр қызметін атқарған кезде ҚТЖ-мен мәселені неге ертерек шешпегенін сұрады.
"Құрметті Әлихан Асханұлы, сіздер бүгінгі таңда ҚТЖ-ның қаржылық жағдайы өте нашар деп айттыңыздар. Шынымды айтсам, сіз премьер-министр болған кезде де оның жағдайы тура осы деңгейде болды. Менің сұрағым – неге сіз бұл мәселені сол кезде шешпедіңіз?"- деді депутат.
Смайылов оған бір кездері ҚТЖ-ға қатысты мәселе бірнеше рет көтерілгенін айтты.
"Сондай-ақ, олар салалық министрліктерге жүгінді. ҚТЖ компаниясына тапсырмалар жолданды, жұмыстар жүргізуді талап етті. Бірақ қабылданып жатқан шаралар жеткіліксіз және тиімсіз, сондықтан біз бұл мәселені тағы да көтеруге мәжбүрміз", – деп толықтырды Смайылов.
Бұған дейін жоғары аудиторлық палатаның төрағасы Әлихан Смайылов ҚТЖ кредиттік тәуекелдің "қызыл" аймағында екенін айтқан болатын.