Депутат Айнұр Арғынбекова Президенттің бір әлеуметтік төлемді енгізу және бірыңғай әлеуметтік қор құру жолымен әлеуметтік қамсыздандырудың бюджеттен тыс жүйесін шоғырландыру қажеттілігі туралы тапсырмасының орындалуы қай кезеңде екенін сұрады.
Светлана Жақыпова Мемлекет басшысының тапсырмасы 2019 жылы жасалғанын және премьер-Министрдің Өкімімен мүдделі мемлекеттік органдардың, Ұлттық Банктің, Қазақстан қаржыгерлер қауымдастығының, "Атамекен" ҰКП, сақтандыру компанияларының өкілдері кіретін жұмыс тобы құрылғанын еске салды.
"Жұмыс нәтижелері бойынша бірыңғай әлеуметтік қорды құрудың орынсыздығы туралы шешім қабылданды. Ұлттық банк пен Қазақстан қаржыгерлері қауымдастығы аударымдардың экономикалық табиғатының әртараптандырылуын ескере отырып, бұл қорларды біріктірудің қажеті жоқ екенін айтты.Сондықтан бұл шешім назарға алынып, тапсырма орындаудан алынып тасталды", — деді министр.
Бұған дейін Қазақстанда сұйытылған газдың көтерме бағасын сақтау жоспарлануда екені хабарланған болатын.