Президенттер Иран архивінен алынған қазақ тарихына қатысты көне қолжазбалар көрмесін тамашалады

Сурет: akorda.kz
Қазақстан президенті Қасым-Жомарт Тоқаев пен Иран президенті Масуд Пезешкиан Астанада өткен ресми шара барысында Иран архивінен табылған қазақ тарихына қатысты құнды қолжазбалардың көрмесін көрді, деп хабарлайды Zakon.kz.

Көрмеде Иран Ислам Республикасы Сыртқы істер министрлігінің мұрағатында сақталған 27 тарихи құжаттың көшірмесі алғаш рет көпшілік назарына ұсынылды

Сурет: akorda.kz

Бұл жәдігерлер XVIII–XIX ғасырлардағы қазақ даласында орын алған қоғамдық-саяси оқиғалар туралы маңызды мәліметтерді қамтиды.

Сурет: akorda.kz

Мамандардың айтуынша, қолжазбалар екі ел арасындағы терең тарихи және мәдени байланыстарды айғақтайды.

Сурет: akorda.kz

Қасым-Жомарт Тоқаев қазақ тарихына қатысты бұрын беймәлім болып келген құнды деректерді ұсынғаны үшін ирандық тарапқа алғыс білдірді.

Сурет: akorda.kz

"Бұл – өте құнды сыйлық. Біз бұл көрмені міндетті түрде халыққа таныстырып, бұқаралық ақпарат құралдары арқылы кеңінен насихаттаймыз. Қазақ тарихына қатысты бұрын белгісіз болған деректер бар екен. Бұл материалдар халқымыз үшін аса пайдалы болады деп ойлаймын", – деді Мемлекет басшысы.

Сурет: akorda.kz

Көрме екі елдің ғылыми-гуманитарлық ынтымақтастығын нығайтуға бағытталған бірлескен бастамалардың бірі саналады.

Қазақстан
Тоқаев Касым-Жомарт

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Алматы облысында мемлекетке қайтарылған жерлерде құны 60,2 млрд теңге болатын бес жоба іске асырылмақ

"Тарихта алғаш рет" – Ресей Жоғарғы сотының төрағасы Тоқаевқа маңызды келісім туралы айтты

"Азаматтарға арналған үкімет" зейнетақы мен жәрдемақының уақтылы төленуі туралы есеп бермек

G20 саммитіне дайындық: Тоқаев АҚШ-пен келіссөздердегі өкілімен кездесті

Қарағандыда монша өртеніп, 12 адам эвакуацияланды