Қазақстандық команда 4-топқа түсті, алғашқы матчты Польша жастар құрамасымен өткізді. Бірінші тайм бірінші болып есепті ашқан қазақстандық команданың кейбір артықшылықтары бойынша тең дәрежеде өтті. Ойынның жетінші минутында шабуылдаушы Вадим Булдин қазақстандықтарды алға алып шықты, ал поляктар 14-ші минутта Каспер Синдлевскийдің дәл соққысымен есе қайтарды. Есеп - 1:1.
Екінші таймда ойынның барысы толықтай өзгерді, әбден жинақталып, жұдырық түйе ойынға кіріскен поляк жастары Қазақстан құрамасының қақпасына екі гол соқты. Алдымен қазақстандықтардың қорғаушысы Руслан Үргенішбаев автоголмен көзге түсті, содан кейін Шимон Лижнерский поляктардың пайдасына ұпай әкеліп, есеп 3:1 болды.
Кездесудің аяқталуына төрт жарым минут қалғанда Вадим Булдин дубль жасап, өз командасына үміт сыйлады. Бірақ уақыт жетпей қалды, қазақстандық жастар бұл турнирде 3:2 есебімен алғашқы жеңілісімен бетпе-бет келді.
Финляндия командасымен болатын келесі ойын 16 наурызда өтеді.
Айта кетсек, ақтық сын Испанияда өтеді, оған әр топтың үздік командалары ғана қатысады.