Ақбар Құрбанов үшінші орын үшін тартысты айқаста жеңіліп жатқанына қарамастан, Бахрейннен келген Алибег Алибеговтың қолынан жеңісті жұлып алды. Есеп - 5:4.
Осылайша, ол Қазақстан қоржынына төртінші медальді салды. Бұған дейін, Рахат Қалжан күміс медаль ұтып алса, "қола" жүлдеге Талғат Сырбаз мен Мамед Ибрагимов ие болған еді.
24 сәуірде еркін күрес жанкүйерлерін қазақстандықтардың қатысуымен өтетін тағы үш финал күтіп тұр:
Финал (74 келі): Нұрқожа Қайпанов - Йонес Алиакбар Эмамичогаей (Иран).
Финал (86 келіге дейін): Азамат Дәулетбеков - Дипак Пуния (Үндістан).
Финал (125 келіге дейін): Әлішер Ерғали - Йадоллах Мохаммадказем Мохеби (Иран).