Александр Недовесов пәкістандық Айсам ул-Хак Курешимен Лондонның іргесіндегі Сурбитон қаласында жүлде қоры 135 мың АҚШ доллары болатын турнирдің финалында британдық Джулиан Кэш пен Анри Паттеннен 6:4, 3:6, 9:11 есебімен ұтылды. Қазіргі уақытта Недовесовтың «Челленджер» сериясының жарыстарында 24 титулы бар, оның 21-і жұптық сайыста.
Сурет: ktf.kz
Жібек Құламбаева өз мансабында алғаш рет итальяндық Брешиа корттарында ITF W60 категориясының финалисті атанды. Шешуші кездесуде Латвия өкілі Диана Марцинкевичпен дуэт өткізген қазақстандық итальяндық Нурия Бранкаччо мен Лиза Пигато жұбынан 4:6, 1:6 есебімен ұтылды.