Қазақстанның үздік теннисшісі Александр Бублик Уимблдон турнирінің жекелей сында төртінші айналымға өте алмады.
Үшінші раундта Қазақстанның бірінші ракеткасы тартысты матчта АҚШ өкілі Фрэнсис Тиафоға 6-3, 6-7 (1-7), 6-7 (3-7), 4-6 есебімен есе жіберді.
Ол екінші айналымдағы ойында серб өкілі Душан Лайовичті 7:6, 6:2, 7:5 есебімен ұтқан болатын.
Ал қазақстандық тағы бір теннисші Александр Недовесов Уимблдон турнирінің жұптық сынында үшінші айналымға өте алмады.
Екінші айналымда Недовесов пәкістандық Айсам Курешимен жұптасып Рафаэль Матос (Бразилия) / Давид Вега-Эрнандес (Испания) дуэтінен 6-3, 6-7 (6-8), 3-5 есебімен жеңіліп қалды. Үшінші сетте Недовесов пен Куреши ойынды жалғастырудан бас тартты.
Матч 2 сағат 16 минутқа созылды.
