Қазақстандық спортшы Каролин Чепкоеч Кипкируй құрлық біріншілігінде чемпион болды.
Ол 3 000 метрге жүгіру бойынша мәреге бәрінен бұрын жетті. Ол бұл қашықтықты 9:01,98 секундта жүгірді. Күміс медальді қытайлық Уга Хэ, қола медальді жапониялық Юма Ямамото алды.
Қазақстандық тағы бір Ольга Сафронова күміс медальге ие болды. Спринтерші 60 метр қашықтықтағы жарысты 7.32 секундта бағындырып, екінші орын алды.
Астанадағы құрлықтық біріншілік 12 ақпанға дейін жалғасады. Жарысқа 31 елден 500-ден астам спортшы қатысып жатыр.