Жартылай финалдық кездесуде әлемдік рейтингіде алтыншы орында тұрған Жабер әлемнің екінші ракеткасы, Беларусь теннисші Арина Соболенконы 6:7 (5:7), 6:4, 6:3 есебімен ұтты. Кездесу 2 сағат 19 минутқа созылды.
Жабер матч кезінде екі эйс пен үш қос қателік жасады және 10 брейк-пойнттың үшеуін пайдалана алды. Ал Соболенко 10 эйс пен 5 рет қос қателік жасап, үш брейк-пойнттың біреуін сәтті пайдаланды.
Жабер чемпиондық атақ үшін Чехия өкілі Маркета Вондроушовамен ойнайды. Былтыр Онс Жабер финалда Қазақстан атынан шыққан Елена Рыбакинадан үш сетте жеңіліп қалған еді. Осы жылы Қазақстанның бірінші ракеткасы Уимблдонның жартылай финалына өте алмады, өйткені ширек финалда Тунис теннисшісі Онс Жаберден жеңіліп қалды.