"Сүйінші! Қазақстан қоржынына алғашқы алтын түсті. Таэквондист Бакишева Ританың чемпиондық атағы тек өзі үшін ғана емес, барлық қазақстандықтар үшін мақтаныш болары сөзсіз", - деп жазды Ғылым және жоғары білім министрі Саясат Нұрбек өзінің Telegram-дағы каналына.
Айта кетейік, сағат 17:00-дегі жағдай бойынша Универсиадада студент-спортшыларымыз Қазақстан үшін 1 алтын, 5 күміс және 5 қола медаль жеңіп алды. Жалпы командалық есепте біздің құрама 10 орында.
Қытайда өтіп жатқан Дүниежүзілік универсиада ойындарында Қазақстан құрамасының қоржынына дзюдодан екінші қола жүлдені Асқар Нарқұлов салғанын хабарлаған едік.