Рыбакина қазір 5465 ұпаймен үшінші орында, ал Пегула 5395 ұпаймен төртінші орында тұр.
Бұған дейін Джессика Пегула 4:6, 6:3, 6:4 есебімен 2020 жылғы Олимпиаданың қола жүлдегері, әлемнің бұрынғы үшінші ракеткасы, украиналық теннисші Элина Свитолинаны ұтып, Вашингтондағы турнирдің жартылай финалына шыққан еді. Жарыстың финалына шығу үшін Джессика Пегула енді Грекия өкілі Мария Саккаримен кездеседі.
Айта кетейік, Рыбакина биылғы Уимблдоннан кейін WTA турнирлеріне әлі қатысқан жоқ. Қазақстандық спортшы Монреальда (Канада) өтетін WTA 1000 турниріне дайындалып жатыр.