Қазақстандық Михаил Кукушкин (әлемнің 246-ракеткасы) Астанадағы ATP 250 турниріндегі ойынын аяқтап, Португалияның бірінші ракеткасы Нуно Боргештен (әлемнің 86-ракеткасы) ұтылды - 7:5, 6:7 (6:8), 4:6.
Алғашқы раундта Новак Джоковичтің мұрагері деп аталып жүрген Хамад Меджедович (әлемнің 120-ракеткасы) және тағы бір сербиялық теннисші Ласло Дьере (әлемнің 37-ракеткасы) ойнады. Көрермендер матчта күткен жекпе-жекті көре алмады: 20 жастағы Хамад тәжірибелі әріптесін 6:3, 2:1 есебімен оңай жеңді. Осы жеңісінің арқасында серб Next Generation ATP Finals-қа (21 және одан төмен жастағы үздік теннисшілер үшін) шығатын мүмкіндігін арттырды.
Ресейлік Александр Шевченко (әлемнің 85-ракеткасы) Нидерланд өкілкі Ботик Ван де Зандшульпты (әлемнің 68-ракеткасы) сенімді түрде жеңді – 6:4, 6:3.
Соңғы іріктеу ойындарының қорытындысы бойынша турнирдің негізгі кезеңіне Егор Герасимов (Беларусь), Әлібек Качмазов (Ресей), Юрий Родионов (Аустрия), Шо Шимабукуро (Жапония) жолдама алды.
