Ризабек Айтмұхан Түркиядағы турнирде үздік үштікті түйіндеді

Ризабек Айтмұхан Түркияның Анталья қаласында өтіп жатқан Яшар Догу, Хамит Каплан және Вехби Эмрені еске алуға арналған халықаралық турнирде қола медаль жеңіп алды, деп хабарлайды Zakon.kz Туризм және спорт министрлігі Спортты дамыту дирекциясының баспасөз қызметіне сілтеме жасап.

Ұлттық құрама спортшысы 97 келіге дейінгі салмақта күресіп, жартылай финалда қарсыласқа есе жіберді.

Бұл – Ризабектің Олимпиада бағдарламасына кіретін салмақта сынға түскен алғашқы халықаралық жарысы.

Осыған дейін ол жыл басында 97 келіге дейінгі салмақта Қазақстан чемпионатында күміс жүлдеге ие болған.