ҚР Туризм және спорт министрлігі баспасөз қызметінің хабарлауынша, Нышан Өмірәлі (+80 кг) К44 қола үшін тартыста ирандық Хамед Хагшенасқа (Hamed Haghshenas) 9:16 есебімен жеңілді.
Бұған дейін ширек финалда Нышан америкалық спортшы Эван Медельмен кездесіп, 3:5 есебімен жеңіліс тапты.Жұбаныш жекпе-жегінде Нышан хорватиялық спортшы Иван Микуличті 13:3 есебімен жеңген болатын.
Осылайша, Нышан Өмірәлі Париж Паралимпиадасындағы жарыс жолын аяқтады.
Ал 80 келіге дейінгі салмақ дәрежесінде, К44 класында күрескен Нұрлан Домбаев Паралимпиадада қола медаль үшін жекпе-жекте оңтүстік кореялық спортшы Джу Джонхунға (Joo Jeonghun) 1:7 есебімен жеңіліп, жарыс жолын аяқтады.
Бұған дейін ширек финалда Нұрлан ирандық спортшы Алиреза Бахтқа 2:3 есебімен есе жіберіп, жұбаныш жекпе-жегінде Коста-Рика өкілі Молина Андресті 18:5 есебімен жеңген болатын.
Париж Паралимпиадасы 9-шы қыркүйекке дейін жалғасады. Қазіргі уақытта Қазақстан құрамасының қоржынында бір күміс медаль бар, оны Еркін Ғаббасов 10 м винтовкамен пара нысана көздеуден жеңіп алды.