Қазақстан бокс федерациясы баспасөз қызметінің хабарлауынша, жарыс 22-28 қыркүйек күндері аралығына белгіленген. Турнирде 19-40 жас аралығындағы спортшылар 12 салмақ дәрежесі бойынша өзара бақ сынасады.
Атап айтқанда: 48 кг, 50 кг, 52 кг, 54 кг, 57 кг, 60 кг, 63кг, 66 кг, 70 кг, 75 кг, 81 кг, +81 кг.
"2006 жылғы қатысушылар бас бапкердің рұқсатымен ғана жарысқа жіберіледі. Қазақстан бокс федерациясы аталмыш жарысты барынша ашық өткізу үшін тікелей көрсетілім, толыққанды ақпарат тарату және таза төрелік тұрғысынан қамтамасыз етеді Айта кетерлік жайт, Қарағандыдағы бәсекеде боксшылар арнайы бас киімсіз шаршы алаңға шығады. Бұл өзгеріс әйелдер боксында халықаралық аренада бұдан былай бас киім болмайтынымен байланысты. Соның ішінде жаңа ереже Азия чемпионатынан бастап енгізілмек", делінген хабарламада.
Айта кетсек, 20 қыркүйекте Қазақстан бокс федерациясы ерлер құрамасының жаңартылған бапкерлік құрамының тізімін жариялаған болатын.
