Алматының спорттық нысандары дирекциясы жанкүйерлерден келтірілген қолайсыздықтар үшін кешірім сұрады.
"Алматы Орталық стадионының батыс секторындағы алты қатардың (Орталық стадиондағы жалпы орын санының 2,7%-ы) арасындағы қардың уақытылы тазаланбауынан туындаған қолайсыздықтар үшін жанкүйерлерден кешірім сұраймыз. Болашақта осындай оқиғалардың алдын алу мақсатында тексеріс жүргізіледі", - делінген хабарламада.
Дирекция сонымен бірге жанкүйерлердің жайлылығы, әсіресе, осындай маңызды матчтарда аса маңызды екенін атап өтті.
"Болашақта мұндай жағдайлардың қайталанбауы үшін бар күшімізді саламыз". Алматы қаласының спорттық нысандары дирекциясы