Әділбек Мусин Франциядағы беделді жарыста күміс медаль иеленді

Жүзуден Францияның Канет қаласында өтіп жатқан Mare Nostrum Swim Tour 2025 халықаралық турнирінде Қазақстан құрамасының қоржынына алғашқы жүлде түсті, деп хабарлайды Zakon.kz.

Қазақстан құрамасы сапындағы Әділбек Мусин жүзуден 100 метр баттерфляй әдісі бойынша екінші орын иеленді.

100 метр баттерфляй әдісі бойынша нәтиже:

1. Максим Груссе (Франция, Париж Олимпиадасының қола жүлдегері) – 51.40 секунд
2. Әділбек Мусин (Қазақстан) – 51.82 секунд
3. Роман Шевляков (бейтарап атлет, эстафетадан әлем чемпионы) – 51.93 секунд Клемент Секки (Франция, Париж Олимпиадасының қола жүлдегері) – 52.47 секунд
   

Бұл жарыста әлемнің 53 елінен 609 спортшы жүлдеге таласуда.

Бұған дейін хоккейден финалда АҚШ пен Швейцария әлем чемпионаты кубогын өзара сарапқа салатынын жазғанбыз.