Әлемдік жұптық рейтингте алтыншы орында тұрған қазақстандық теннисші Германиядағы жарыста сербиялық Александра Круничпен бірге өнер көрсетуде. Турнирде олар бірінші нөмірмен тіркелген болатын.
Данилина мен Крунич алғашқы айналымда америкалық Эйжа Мұхаммад пен венгриялық Фанни Штоллар жұбымен кездесті.
Матч үш сетке созылып, чемпиондық тай-брейкте Анна мен Александраның жеңілісімен аяқталды. Қорытынды есеп – 6:3, 6:7 (6:8), 6:10.
Теннисшілер кортта 1 сағат 41 минут өткізді. Осы уақыт ішінде қазақстандық-сербиялық жұп бір эйс жасап, бес қос қателікке жол берді және тоғыз брейк-пойнттың екеуін ғана сәтті пайдаланды.
Осылайша, Анна Данилина мен Александра Крунич Берлиндегі турнирдегі өнерлерін аяқтады.