Бүгін, 28 шілдеде, Қазақстан әйелдер құрамасы шпага сайысында 1/8 финалға дейін жетті. Отандастарымыз жарысты бірден 1/16 финалдан бастады. Ирина Бакалдина, София Николайчук, Дарья Самоделкина және Владислава Андреева Швеция құрамасын 39:38 есебімен жеңді.
Ширек финал жолдамасы сарапқа салынған кездесуде қазақстандықтар Токио Олимпиадасының күміс жүлдегері Оңтүстік Корея құрамасымен кездесті. Тартысты бәсеке 45:39 есебімен қарсыластардың пайдасына аяқталды.
Сондай-ақ бүгін рапира бәсекесінде Қазақстан ерлер құрамасы да сынға түсті. Ғалым Нұрымов, Тимофей Семенов және Тамирлан Қалиев алғашқы кездесуінде Қытай құрамасына 29:45 есебімен жол берді.