Хулио Веласкестің айтуынша, ол өз командасының ойынына толықтай көңілі толады. Матчтан кейінгі баспасөз мәслихатындағы оның мәлімдемесі "Левскидің" Facebook-тегі ресми парақшасында жарияланды.
"Біз өте жақсы ойын өткіздік. Бұл – толықтай лайықты жеңіс. Тіпті бұдан да ірі есеппен жеңуге мүмкіндігіміз болды деп есептеймін. Алайда қарсыласымыз тәжірибелі команда екенін де мойындау керек. Бұл футболшыларыммен тағы бір мәрте мақтанған күн. Сондай-ақ стадионда тамаша атмосфера қалыптастырған жанкүйерлерге ерекше алғыс айтамын. Ештеңеге өкінбеймін. Мен әрдайым жақсы нәтижеге сенемін", – деді ол.
Ал "Қайраттың" жанкүйерлері әлеуметтік желілерде сүйікті командасының матчтың соңғы минуттарында гол жіберіп алғанына өкініш білдіруде.
Бұған дейін бұл ойынға Рафаэль Уразбахтин де пікір білдіргенін жазғанбыз.