Уганда парламенті әлеуметтік желілерді және мобильді ақша операцияларын қолдануға салық енгізу туралы заң қабылдады деп хабарлайды РИА Новости.
Africa News порталының мәліметтері бойынша Facebook, Twitter және WhatsApp сияқты әлеуметтік желілерді пайдаланушылар күніне 200 шиллинг төлеуге мәжбүр болады. ( Бұл шамамен 0,027 АҚШ доллары) Заң сәрсенбі күні қабылданды.
Уганда әкімшілігінің сөзіне сүйенсек, салық мемлекеттік қызметтің сапасын дамыту үшін қолданылатын мемлекеттік кірістерді ұлғайту мақсатында енгізілді.
Портал анықтағандай, Уганда халқының саны 41 миллион адамды құрайды, олардың 23,6 миллионы - ұялы телефон пайдаланушылары, ал 17 миллионы Интернетті пайдаланады.