RFI мәліметтері бойынша, сот Google-ге 7,2 миллиард рубль, Meta компаниясына 1,9 миллиард рубльден астам айыппұл салды.
Бұл санкцияны есепке алмағанда, Google-дің жалпы айыппұлдарының сомасы 58 миллион рубльді құрайды. Meta-ға 83 миллион рубль айыппұл тиесілі.
Бұл айыппұлдар Ресейде тыйым салынған контентті жоюдан, сондай-ақ Ресейде орналасқан серверлерде ресейліктердің жеке деректерін сақтаудан бас тартқаны үшін тағайындалды. Тыйым салынған контент Алексей Навальныйдың қамауға алынып, түрмеге жабылғанынан кейінгі наразылық акциясына қатысты еді.
Осыған дейін сот Telegram, Facebook, Twitter және TikTok сияқты басқа да ірі интернет-қызметтер мен әлеуметтік желілерге де айыппұл салған болатын.