Сенаторлар Қарулы күштердің жауынгерлік әзірлігін арттыру мәселесін талқылады
Сурет: senate.parlam.kz
Халықаралық қатынастар, қорғаныс және қауіпсіздік комитетінің депутаттары Қарулы күштердің жауынгерлік әзірлігі мен ұрыс қабілетін арттыру мәселесін талқылады, деп хабарлайды Zakon.kz
Қорғаныс министрінің орынбасары генерал-лейтенант Сұлтан Камалетдинов терроризмге қарсы операцияларды жүргізу және дағдарыстық жағдайларды басқарудың бірыңғай орталығын құру кезінде лауазымды тұлғалардың іс-қимылдарын заңнамалық деңгейде реттеу қажет екенін айтты.
Жастардың әскери қызметке деген ынтасын арттыруға, әскерге шақырылатын жастар мен әскери қызметшілерді тәрбиелеуде жаңа тәсілдер мен стандарттарды қолдануға байланысты шараларға ерекше назар аударды, – делінген хабарламада.
Кездесу барысында парламентшілер қорғаныс шығыстарын қаржыландыруға, сонымен қатар әскери ұжымдардағы сыбайлас жемқорлыққа қарсы іс-қимылға қатысты мәселелерді де көтерді.
Сенатор Мұхтар Құл-Мұхаммедтің төрағалық етуімен өткен кездесуде ол Президенттің жыл басында берген тапсырмаларын уақтылы және сапалы заңнамалық қамтамасыз ету қажет екенін жеткізді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript