Алматыдағы әскери техника: Қорғаныс министрлігі түсінік берді

Алматы тұрғындары қалада жүрген әскери техниканы байқады. Қауесеттер мен алып-қашпа сөздерді болдырмас үшін Қорғаныс министрлігі мәлімдеме жасады, деп хабарлайды Zakon.kz.

Алматы қаласында әскери техниканың жүріп-тұруы Қарулы күштерде жауынгерлік даярлық іс-шараларын өткізумен байланысты, делінген хабарламада.

Қазіргі уақытта Ақтөбе, Алматы, Атырау, Жамбыл, Қызылорда, Маңғыстау, Түркістан облыстарының, сондай-ақ Алматы және Шымкент қалаларының аумағында «Батыл тойтарыс – 2022» кешенді ведомствоаралық стратегиялық командалық-штабтық оқу-жаттығуы өтіп жатыр. Осыған байланысты сәуір айы бойында еліміз бойынша қарулы күштер мен құралдардың қозғалысы орын алатыны ескертіледі.