Қазақстандық бітімгерлерді Донбассқа жіберу қарастырылмаған – Қорғаныс министрлігі

Орталық коммуникациялар қызметінде өткен брифингте Қазақстан Республикасы Қорғаныс министрінің орынбасары Сұлтан Камалетдинов Донбассқа қазақстандық бітімгершілік күштерін жіберу бойынша келіссөздер жүріп жатыр ма деген сұраққа түсініктеме берді, деп хабарлайды Zakon.kz.

Расында, бұл мәселе осындай геосаяси жағдайда біздің бүкіл қазақ қоғамын алаңдататын шығар. Бірақ Қарулы күштерімізді мемлекетімізден тыс жерде пайдалану жоспарлы және нормативті түрде бекітілгенін атап өтуіміз керек.ҚР Қорғаныс министрінің орынбасары Сұлтан Камалетдинов

Ол Қазақстан Қарулы Күштерінің бітімгершілік операцияларға қатысуы БҰҰ Қауіпсіздік кеңесінің қарары негізінде ғана жүзеге асырылатынын еске салды.

Осы қаулы негізінде мемлекет басшысы парламентке ұсыныс енгізеді. Ал парламент бекіткеннен кейін ғана Қарулы күштерді пайдалануға болады. Қазір бұл мәселе тіпті қарастырылмаған. Бұл мәселе бойынша келіссөздер де жүргізіліп жатқан жоқ.Сұлтан Камалетдинов