Шойгу Ресей армиясына шақыру жасын ұлғайтуды ұсынды

Ресей Федерациясы, РФ Қорғаныс министрлігі, әскер жасы, сурет - Zakon.kz жаңалық 21.12.2022 20:12

Сурет: kremlin.ru

Ресей қорғаныс министрі Сергей Шойгу ресейліктердің әскерге шақырылу жасын кезең-кезеңімен 18 жастан 21 жасқа, ал шекті жасты 30-ға дейін көтеруді ұсынды, деп хабарлайды Zakon.kz.

Бұл ұсынысты ол Қорғаныс министрлігі алқасының кеңейтілген отырысында айтты.

Шойгудың сөзінше, бұл бастама НАТО Ресей шекараларында, оның ішінде Швеция мен Финляндия есебінен "әскери әлеуетті" ұлғайтуға ұмтылып жатқандықтан, Ресейдің қауіпсіздігін нығайту үшін қажет.

Бұдан бөлек министр Қарулы күштердің қуатын 1,5 миллион әскери қызметкерге, оның ішінде келісімшарт негізінде шақырылатын сарбаздар санын 695 мыңға дейін арттыру қажет деп санайды.

РФ Қорғаныс министрлігінің басшысы Ресей Федерациясы Қарулы күштерінің екі түраралық стратегиялық аумақтық бірлестігін – Мәскеу және Ленинград әскери округтерін құруға шақырды. Сонымен қатар ол екі жаңа десанттық дивизия құру жоспарланғанын айтты.

Ресейде әскерге шақыру жасы 18 бен 27 жас аралығы. Осы талап бойынша жасы келмейтіндерді әскери қызметке шақыру әрекеті заңсыз деп танылады.

Оқи отырыңыз