Қорғаныс министрлігі Сарышаған полигонында сыналған ресейлік зымыранға қатысты түсінік берді

Капустин Яр, сурет - Zakon.kz жаңалық 12.04.2023 19:51

Сурет: gov.kz

ҚР Қорғаныс министрлігі Сарышаған полигонында ресейлік зымыранның сынақтан өткізілуі қазақстандықтарға қауіп төндірмейді, деп хабарлайды құзырлы ведомство баспасөз қызметі.

"12 сәуірде Ресей Сарышаған полигонында шартты нысанаға стратегиялық мақсаттағы зымыранын сынақтан өткізді. Оны іске қосу қазақстандық тараппен келісім бойынша жоспарлы түрде жүргізілді. Бұл ретте зымыран негізінен қатты отынды болып табылады және жойғыш бөліктен тұрмайды. Зымыранды жіберудің мақсаты оның ұшу траекториясын бағалау болып отыр. Жұмыстарды жүргізу барысында қауіпсіздік шаралары сақталды. Одан Қазақстан халқына және қоршаған ортаға қауіп төнген жоқ", делінген хабарламада.

Сарышаған полигонын Қазақстан Республикасы мен Ресей Федерациясы үкіметтері арасында жасалған халықаралық шарттар мен келісімдерге сәйкес Ресей Федерациясы жалға алғанын айта кету керек.

12 сәуірге қараған түні РФ Қорғаныс министрлігі құрлықаралық баллистикалық зымыранды сынайтындығы туралы хабарлама таратты. Нысан Астрахан облысында, Қазақстанның батысында шекараға жақын орналасқан "Капустин Яр" полигонында сыналды.

Оқи отырыңыз