Банкомат қателері: банк клиентіне қалай әрекет еткен жөн
Сурет: unsplash
Мұндай жағдайда пластикалық карталарды ұстаушылар қалай әрекет етуі керек, осы мәселе туралы Zanimaem.kz-тегі Арнұр Еркенбаев әңгімеледі.
Ақша шықпады, бірақ сома есептен шығарылды
Мұндай ақаудың бірнеше себептері бар:
• құрылғыда қажетті сома жоқ немесе қажетті номиналдағы банкноттар жоқ;
• ескі үлгідегі банкомат, баяу жұмыс істейді;
• купюралар ішіне кептеліп, науаға шықпады;
• техникалық ақау орын алды.
Соңғы себептің болу ықтималдығы жоғары. Мәселе мынада, банкоматтар қажетті сома немесе қажетті номиналдар болмаған кезде клиентке осы команда бойынша бас тартуды ұсынатындай етіп бағдарламаланған, ол экранда көрсетіледі.
Егер сіз осы жайтқа тап болсаңыз, банкомат нөмірін жазып алыңыз – ол бүйірде және/немесе алдыңғы жағында, сонымен қатар барлық банктердің контактілерін Занимаем.kz банк каталогынан табуға болады. Сосын осы құрылғыға қатысты банкке қоңырау шалыңыз, мәселені сипаттаңыз. Көп жағдайда кеңсеге жеке куәлікпен жүгінуге тура келеді. Егер чек қолыңызда қалса, өте жақсы, бұған қоса, шоттан ақшаның шыққаны туралы SMS-ті де көрсетуге болады.
Сома шоттағы есептен шығарылған сомаға сәйкес келмейді
Ақша карта ұстаушы сұрағанынан көп немесе аз болуы мүмкін. Бұған, ең алдымен, ақаулар кінәлі. Не істеуіміз керек:
- Егер ақша көп болса, ешкім байқамайды деп үміттенбеңіз. Әр банкоматтың жанында камералар бар, сол күні кешке немесе келесі күні таңертең сізді «анықтай алады». Банкке дереу хабарласып, артық ақша туралы хабарлаған дұрыс, байланыс телефонына қоңырау шалыңыз.
- Егер сома аз болса, шотты тексеріңіз (сол банкоматтан балансты сұраңыз немесе операция туралы SMS-ті ашыңыз). Мүмкін, есептен аз қаражат шығарылды. Алынғаннан көп сома «кетсе», құрылғыға иелік ететін банкке хабарласыңыз, өтініш жазыңыз.
Егер сіз банкомат арқылы ақша салсаңыз, бірақ олар шотқа түспесе, дәл осылай әрекет етуіңіз керек. Есепке алу 3 күнге дейін созылуы мүмкін екенін ескеріңіз, бірақ егер осы мерзім өткеннен кейін баланс өзгеріссіз қалса, чекпен және жеке куәлікпен құрылғыға қызмет көрсететін банкке барыңыз.
Карта банкомат ішінде қалған жағдайда
Егер банкомат картаны «жеп» қойса, операциядан бас тартуға тырысыңыз. Дегенмен, карта түсінікті себептермен құрылғының ішінде қалуы мүмкін:
- пин үш рет қате енгізілді – банк күмәнді операцияға күдіктенді;
- карта стоп-тізімінде болған.
Уақыт жоғалтпаңыз – бірден банкке хабарласыңыз. Егер чек шықса, оны көрсетіңіз. Сонымен қатар, егер сіз өзге банктың банкоматына ақша алсаңыз, өз банкіңізге қоңырау шалыңыз және шотты бұғаттаңыз – бұл карта кейінірек шығып, оны құрылғыға жүгінге келесі адамның алып кету проблемасын болдырмауға көмектеседі.
