Мешітте күштеп тәрбиеленген қос балаға қатысты Оқу-ағарту министрлігі мәлімдеме жасады

ҚР Оқу-ағарту министрлігі Балалардың құқықтарын қорғау комитеті желідегі видеода тіркелген жайтқа алаңдаушылық танытып отырғандарын мәлімдеді.

Комитет басшылығы бұл жағдайды жеке бақылауға алғандарын да жеткізді.

"Осы мәселе бойынша облыстық білім басқармасы, Шымкент қаласының Бала құқықтары жөніндегі уәкілі және Ішкі істер органдарының басшылығымен тұрақты байланыс орнатылды. Орын алған жағдай баланың физикалық және (немесе) психикалық күш көрсетуден, адамның қадір-қасиетіне қатыгездікпен, дөрекілікпен қараудан немесе оны қорлаудан қорғау құқығын тікелей бұзып, қауіпсіздігі мен денсаулығына қауіп төндіріп отыр. Балаларға қатысты зорлық-зомбылыққа жол берген барлық тараптың іс-әрекетін айыптаймыз. Балалар ешқашан зорлыққа ұшырамауы керек", делінген ведомство хабарламасында.

Ата-аналарға балаларының қауіпсіздігін кешенді қамтамасыз етуге ерекше көңіл бөлу ұсынылады.

2023 жылы 15 маусымында әлеуметтік желіде Шымкенттегі мешіт ұстазының балаларды тәрбиелеуде қатыгез тәсілге жүгінуі қызу талқыға түсті. Әлеуметтік желіде жарияланған видеода 9 және 7 жастағы ұл балардың денесінен ұрып-соғу, яғни көгеру, қанталау іздерін байқауға болады. 

Оқи отырыңыз

Бөрлі-Ақсай-Жымпиты тас жолындағы қайта жаңғырту жұмыстары биыл да жалғасатыны белгілі болды

13:18, 01 мамыр 2024

Чапай-Жаңақала-Сайқын тас жолындағы қайта жаңғырту жұмыстарына қатысты тың мәлімет ұсынылды

12:54, 01 мамыр 2024

Барбастау-Ақжайық-Индер тас жолындағы құрылыс жұмыстары қашан аяқталатыны белгілі болды

12:35, 01 мамыр 2024