Жаңалықтар тізбегі
0

Қызылорда облысы әкімі медицина саласының қызметкерлерін кәсіби мерекемен құттықтады

Іс-шара Сурет: Қызылорда облысы әкімінің баспасөз қызметі
Қызылорда облысының әкімі Нұрлыбек Нәлібаев медицина саласының қызметкерлерін кәсіби мерекемен құттықтады, деп хабарлайды Zakon.kz.
"Президентіміз Қасым-Жомарт Кемелұлы Тоқаев "Ұлт саулығы – Әділетті Қазақстанды құру жолындағы мемлекеттік саясаттың аса маңызды бір бағыты. Мемлекет медицина қызметкерлеріне жан-жақты қолдау көрсетіп, денсаулық сақтау саласын дамытуға баса назар аударады" – деп дәрігерлердің ел алдындағы беделі мен мәртебесі жоғары екендігін айрықша атап өтті. Бүгінде аймақта халыққа сапалы медициналық қызмет көрсету үшін қажетті шаралардың барлығы жасалуда. Емдеу-алдын алу мекемелерінде 3000 дәрігер, 11 000-ға жуық орта буын маман жұмыс істейді. Мамандандырылған және жоғары технологиялық-медициналық көмек түрлерінің сапалы болуына баса мән берілуде. Өткен жылмен салыстырғанда өңірде жалпы өлім-жітім көрсеткіші 12%-ға, ана өлімі 48%-ға, сәби өлімі 44%-ға, жарақат, жазатайым оқиғалардан және уланудан болатын өлім-жітім 41%-ға, туберкулезден болатын өлім-жітім 33%-ға төмендеді", - деді аймақ басшысы.


Іс-шара

Сурет: Қызылорда облысы әкімінің баспасөз қызметі


Облыс әкімі Мемлекет басшысының бастамасымен жүзеге асырылатын "Ауылда денсаулық сақтауды жаңғырту" пилоттық ұлттық жобасының маңызы зор екенін ерекше атап өтті. 

Салтанатты кеште көпбейінді облыстық аурухананың дәрігер хирургі Абдулла Шүленбаевқа "Қызылорда облысының құрметті азаматы" атағы табысталды. Бірқатар медицина қызметкері облыс әкімінің Алғысымен, ҚР Денсаулық сақтау министрлігінің "Еңбек ардагері" медалімен, "Денсаулық сақтау ісінің үздігі" және "Денсаулық сақтау ісіне қосқан үлесі үшін" төсбелгілерімен және түрлі номинациялармен марапатталды.


Медицина

Сурет: Қызылорда облысы әкімінің баспасөз қызметі


Іс-шара соңында мерекелік концерт ұйымдастырылды.

Айта кетейік, Ұлттық жоба аясында 2023-2024 жылдары Сыр өңірінде құны 9,7 млрд теңге болатын 27 денсаулық сақтау нысаны салынады. 2025 жылға дейін Арал, Қазалы, Шиелі, Жаңақорған ауданаралық ауруханаларын көпбейінді ауданаралық аурухана деңгейіне жеткізу жұмыстары жүргізілуде. Ел Президенті, Үкіметтің қолдауымен Қызылорда қаласында бір ауысымда 100 келушіге арналған емханасы бар 300 орындық көпбейінді аурухана құрылысы басталды. Құны 36,4 млрд теңге болатын нысан құрылысы 2025 жылы аяқталады. Ана мен бала саулығын жақсарту, жас аналарға жоғары мамандандырылған медициналық көмектің қолжетімділігін арттыру үшін көпбейінді облыстық аурухана жанынан 70 төсектік босану бөлімшесі ашылады.


Медицина

Сурет: Қызылорда облысы әкімінің баспасөз қызметі


Президент тапсырмасына сәйкес халықаралық стандарттарға сай 200 төсектік перинаталдық орталық салу мәселесі пысықталып, нысан құрылысына облыс орталығынан 3,7 гектар жер учаскесі бөлінді. Өткен жылы ел ағаларымен бірге Қызылорда қаласының сол жағалауында облыстық Қан орталығының іргетасы қаланған еді. Жаңа нысан келер жылдың І тоқсанында пайдалануға берілмек.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: