Смайылов: ЕАЭО аясында навигациялық пломбаларды "ауыртпалықсыз" енгізуге тиіспіз

Үкімет басшысы ЕАЭО-ның сауда-экономикалық саланы дамытуда пайдаланылмай келген зор әлеуеті бар екеніне тоқталды. Алайда тың жетістіктерге жету үшін интеграцияның қазіргі қалыптасқан жағдайына шынайы баға беру қажет, делінген Үкімет баспасөз қызметінің хабарламасында.

"Осы мақсатта биылғы мамыр айында Қазақстан Президенті Қасым-Жомарт Тоқаев қабылданған міндеттемелердің орындалуын бағалауды тапсырды. Ұсынылған баяндама жобасын сапалы деңгейде пысықтау қажет деп санаймыз", — деді Үкімет басшысы.

Сонымен қатар Әлихан Смайылов сауда-саттықтың ұлғаюына транзиттік әлеуетті тиімді пайдалану мен дамыту ықпал ететінін атап өтті. Мәселен, қазіргі уақытта ЕАЭО аясында тауарлар айналымын бақылаудың бірқатар жаңа тетіктері, оның ішінде навигациялық пломбалар қолданылып келеді.

"Мүше мемлекеттердің аумағы бойынша барлық жүк тасымалы бақыланатын болады. Бұл ретте бизнес үшін навигациялық пломбаларды кезең-кезеңмен және барынша "ауыртпалықсыз" енгізуге тиіспіз. Комиссияға бұл жұмысты бизнестің пікірін ескере отырып жүргізуді ұсынамын", — деді Премьер-министр.

Оқи отырыңыз

Қазақстанда Орман қорын күзету және қорғау қызметі құрылды

17:46, 04 мамыр 2024

Бөрлі-Ақсай-Жымпиты тас жолындағы қайта жаңғырту жұмыстары биыл да жалғасатыны белгілі болды

13:18, 01 мамыр 2024

Чапай-Жаңақала-Сайқын тас жолындағы қайта жаңғырту жұмыстарына қатысты тың мәлімет ұсынылды

12:54, 01 мамыр 2024