БЖЗҚ-дан түсетін мақсатты жинақ төлемдерін баспана жағдайын жақсартуға пайдалану қағидалары бекітілді
Сурет: freepik
Бұл қағидаларға сәйкес, 18 жасқа толған жастар Ұлттық қор есебінен жинақталған қаражатты өздерінің тұрғын үй жағдайларын жақсарту үшін пайдалану мүмкіндігіне ие болады.
Ережеге сәйкес, жинақталған қаражатты азаматтық-құқықтық мәмілелер бойынша түпкілікті есеп айырысуға, ипотекалық несиелер бойынша бастапқы жарна төлеуге, тұрғын үй құрылыс жинақ салымдарын толықтыруға бағыттауға болады. Дегенмен, үйді жұбайынан немесе жақын туыстарынан сатып алуға жол берілмейтінін ескерген жөн.
Сондай-ақ ережеде жақын туыстарының немесе ерлі-зайыптылардың салымдарын беру келесідей жағдайда қарастырылған:
- тұрғын үй құрылыс жинақ жүйесі арқылы алынған ипотекалық несие бойынша берешекті ішінара немесе толық өтеу;
- ислам банкінің қаржыландыру бөлігі ретінде тұрғын үй сатып алу, ислам банкінің тұрғын үй сатып алу операциясын қаржыландыру бөлігі ретінде қарызды ішінара немесе толық өтеу;
- тұрғын үй құрылысы немесе дағдарысқа қарсы бағдарламалар, жекешелендіру, бөліп төлеу арқылы сатып алу-сату шеңберінде берілген сатып алу құқығымен тұрғын үйді ұзақ мерзімді жалдау шарттары бойынша төлемдер;
- жеке тұрғын үй құрылысы (белгіленген нысаналы жер учаскесі болған жағдайда – жеке тұрғын үй құрылысы немесе жеке қосалқы шаруашылық).
"Екінші деңгейдегі банктер мен Ұлттық пошта операторы ақша қаражатын енгізу үшін банк шоттарын ашады және жүргізеді. Сондай-ақ қаражатты пайдалану 10 жылдық мерзіммен шектелген. Осы кезеңнен кейін пайдаланылмаған қаражат жеке зейнетақы шотына жіберіледі. Бұл бастама жастарды баспанамен қамтамасыз етуге және өмір сүруге жайлы жағдай жасауға қолдау көрсетуге бағытталған".ҚР Өнеркәсіп және құрылыс министрлігінің баспасөз қызметі
Айта кетсек, Қазақстанда
"Ұлттық қор – балаларға" жобасы бойынша Ұлттық қордан БЖЗҚ-ға
аударылған ақшаны пайдалану ережесі бекітілді, оны тұрғын үй жағдайын
жақсартуға бағыттауға болады. 1 ақпанда балалардың
шоттарына 100 доллардан 52 цент түскен болатын.
