Барбастау-Ақжайық-Индер тас жолындағы құрылыс жұмыстары қашан аяқталатыны белгілі болды
Сурет: Zakon.kz/Максим Золотухин
Батыс Қазақстан облысының жолаушылар көлігі және автомобиль жолдары басқармасы Барбастау-Ақжайық-Индер бағытындағы тас жолда жүргізіліп жатқан құрылыс жұмыстары қашан аяқталатынын айтты, деп хабарлайды Zakon.kz.
Өңірдегі құзырлы басқарма облыстық маңызы бар Барбастау-Ақжайық-Индер тас жолының 43-93 шақырымы аралығында қолға алынған жалпы ұзындығы 50 шақырымды құрайтын автомобиль жолын қайта жаңғырту жұмыстары биылғы жылы аяқталатынын нақтылады.
Жобаны іске асыру мерзімі – 2021-2024 жылдар. Бүгінгі күнге дейін 43,4 шақырым жол төселіп, жұмыстардың 85%-ы орындалды.
"Аталған нысанды аяқтау үшін ағымдағы жылы жергілікті бюджеттен 3,2 млрд теңге қаржы бөлінді. Қазіргі кезде жұмыстарды жалғастыру үшін дайындық жұмыстары жүргізілуде", делінген хабарламада.
Сонымен қатар, 2024 жылы Барбастау-Ақжайық-Индер автомобиль жолының 93-145 шақырымы аралығында күрделі жөндеу жұмыстары басталатыны нақтыланады.
"Бүгінгі күнге мердігерді анықтау бойынша конкурстық рәсімдер аяқталып, мердігер ұйым - "Uniserv" ЖШС анықталды. Нысанда жоспарға сәйкес жұмыстар жүргізілетін болады", делінген облыстық басқарма хабарламасында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
