БҚО жолдарын жөндеуге 55 миллиард теңге бөлінген
Сурет: Zakon.kz
Спикердің айтуынша, бұл ұйымдардың қарамағында 319 бірлік қар тазалайтын техника бар. Атап айтқанда: 41 автогрейдер, 111 трактор түрі, 33 түрлі модификациядағы жүк тиегіш, 30 тартымдылығы төмен бульдозер, 79 ауыр жүк көлігі, 25 көлбеу грейдер.
Сондай-ақ, жолдарды қардан тазарту жұмыстары бірінші кезекте 2-4 сағат бойы көлік көп жүретін аймақтарда басталып, барлық жолдарды қардан тазарту жұмыстары қар жауғаннан кейін 24 сағат ішінде жүргізіледі. Төтенше жағдайдың алдын алу үшін облыстық автомобиль желісінің жолдарында 200 бірлікке «тайғақ жол» және «жылдамдықты шектеу» уақытша жол белгілері және жылу пунктіне «көрсеткіш» орнатылған.
Биыл Батыс Қазақстан облысының жолдарын жөндеуге 55 миллиард теңгеден астам қаржы бөлініп, көрсетілген қаржыға сметалық есеп бойынша 662 шақырым жолға жөндеу-құрылыс жұмыстары жүргізілді. Аудандық және облыстық маңызы бар жалпы ұзындығы 4762 шақырымды құрайтын автомобиль жолдарын күтіп ұстауға және дамытуға 23,8 миллиард теңге бөлінді. Бүгінгі таңда бөлінген қаражат есебінен 94 ауылдық елді мекеннің жолдары жөнделуде. Сондай-ақ республикалық және облыстық маңызы бар жалпы ұзындығы 169 шақырымды құрайтын 22 елді мекеннің кіреберіс жолдары жөнделуде. Жөндеу жұмыстары келесі бағыттар бойынша жүргізілуде: Барбастау-Ақжайық-Индер; Чапай-Жаңғала-Сайхын; Бөрлі-Ақсай-Жымпиты; Тасқала-Аққурай-Болашақ; Федоровка-Ақсай», – дейді Айдар Менеев.
Сонымен қатар, басқарма басшысы жыл соңына дейін жергілікті маңызы бар жолдардың үлесін 39 пайыздан 46 пайызға дейін арттыру жоспарланып отырғанын атап өтті. Бүгінгі таңда облыстық және аудандық маңызы бар 220 шақырым жол жөнделіп, 20,9 млрд теңге игерілді. Бұл көрсеткіш барлық бөлінген қаражаттың 73 пайызын құрады.
