Жаңалықтар тізбегі
0

Алматы – Астана тас жолындағы сағызша созылған жөндеу жұмыстары қашан аяқталатыны айтылды

Жол жөндеу жұмыстары, Алматы-Астана тас жолы Сурет: gov.kz
Көлік министрлігі бүгін, 2023 жылы 28 желтоқсанда "Алматы-Астана" тас жолын жөндеу жұмыстары қашан аяқталатынын айтты, деп хабарлайды Zakon.kz.

Астана-Алматы тас жолы оңтүстік өңірді Қазақстанның орталығымен байланыстыратын негізгі бағыт. Аталған дәлізді реконструкциялау барысында 4 жолақты қозғалысы бар I техникалық санатқа ауыстыру жұмыстарымен қамту арқылы 946 шақырым жол қарастырылған. Оның 874 шақырымында (92 пайыз) жаңа жабын салынып, көліктің кедергісіз қозғалысы қамтамасыз етілді. Аталған қиындықтарға қарамастан биыл Астана-Алматы жобасында асфальтбетон төсемімен жүру қамтамасыз етілді.

"Жалпы 2024 жылдың соңына дейін барлық 4 жолақ бойынша қозғалысты қамтамасыз ете отырып, жобаны аяқтау жоспарланып отыр". ҚР Көлік министрлігінің баспасөз қызметі

Орталық-Оңтүстік дәлізі негізгі үш учаскеге бөлінген:

  • Қарағанды-Балқаш,
  • Балқаш-Бурылбайтал,
  • Бурылбайтал-Күрті.

Атап айтқанда, ұзындығы 363 км болатын Қарағанды-Балқаш учаскесі бойынша жол толығымен қолданысқа берілген.

Қалған жұмыстарды 2024 жылы аяқтау жоспарлануда.

Жалпы ұзындығы 288 шақырым болатын Балқаш-Бурылбайтал сегментінің 127 шақырымында биыл жұмыстар толық көлемде аяқталып, пайдалануға берілді. Ұзындығы 72 км учаскені қоспағанда, 161 шақырымда қозғалыс асфальтбетон жабыны бойынша қамтамасыз етілген.

Жұмыстарды 2024 жылы толық аяқтау жоспарлануда.

Жалпы ұзындығы 295 км болатын Бурылбайтал-Күрті учаскесінде биыл ұзындығы 81 км учаске пайдалануға берілді, қалған 214 км-де жаңадан салынған асфальтбетон жабыны бойынша қозғалыс ашылды.

"Жол жобаларының іске асырылу мерзімдеріне негізгі жол-құрылыс материалдары бағасының күрт ауытқуы, құрылыс маусымындағы жол битумының тапшылығы мәселелері әсер еткен. Кейбір жағдайларда келісімшарттық міндеттемелерді жосықсыз орындау, жұмыс кестесінің бұзылуы орын алып, бұл сайып келгенде келісімшарттарды бұзуға әкеледі". ҚР Көлік министрлігінің баспасөз қызметі

Мәселен, биыл ұзындығы 85 км Күрті-Бурылбайтал учаскесінде, ұзындығы 46 км Балқаш-Бурылбайтал учаскесінде жаңа мердігерлер анықталып, аталған учаскелерде биыл құрылыс-монтаждау жұмыстары жүзеге асырыла бастады.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: