Жамбыл облысында Өңірлік кадр резерві жобасының "Құрылымдық сұқбат" кезеңі өтті
Сурет: Жамбыл облысы әкімінің баспасөз қызметі
Өңір әкімі баспасөз қызметінің хабарлауынша, комиссия құрамында мәслихат төрағасы, ҚР Мемлекеттік
қызмет істері агенттігі департаментінің өкілдері, басқарма басшылары, үкіметтік
емес ұйымдардың, бизнес-қоғамдастықтардың өкілдері болды, сондай-ақ сарапшылар тартылды.
Өңірлік кадр резерві – жас басшылар пулын қалыптастыруды
көздейді. Осы мақсатта ағымдағы жылдың 1 наурызынан бастап үміткерлердің
құжаттары қабылданды.
Сурет: Жамбыл облысы әкімінің баспасөз қызметі
"Бірнеше кезеңнен тұратын іріктеу ҚР Мемлекеттік қызмет істері агенттігінің өңірлік департаментімен бірлесіп жүргізілді. Жалпы Өңірлік кадр резервіне 478 жамбылдық өтініш берген, оның 39-ы жобаның соңғы "Құрылымдық сұхбат" кезеңіне жолдама алды. Үміткерлердің 14-і әлеуметтік, 10-ы индустрия және өнеркәсіп, 7-і экономика және қаржы, 3-і цифрландыру, 2-і агроөнеркәсіптік кешен және жер қатынастары, 2-і тұрғын үй-коммуналдық шаруашылық және инфрақұрылым, 1-і экология саласын таңдаған".Жамбыл облысы әкімінің баспасөз қызметі
Сурет: Жамбыл облысы әкімінің баспасөз қызметі
Комиссия отырысында кандидаттар өңірдің әлеуметтік-экономикалық дамуына негізделген жобаларды қорғағаны да нақтыланады. Атап айтқанда, олар инвестициялық әлеуетті арттыру, денсаулық сақтау саласын жаңғырту, ауыл шаруашылығын түлету тетіктері мен өзге де бағыттарды ұсынды. Бұдан бөлек, жасанды интеллектіні өндіріске енгізу, NEET санатындағы жастардың санын азайту, азық-түлік қауіпсіздігіне қатысты бастамаларын көтеріп, ойларын ортаға салды.
Сурет: Жамбыл облысы әкімінің баспасөз қызметі
"Өңірлік кадр резервіне алынған жалынды жастар өзгерістердің қозғаушы күші, мықты тірегіне айналып, мемлекетеміздің өсіп-өркендеуіне үлес қосады деген сенімдеміз". Жамбыл облысының әкімі Ербол Қарашөкеев
Айта кетейік, Өңірлік кадр резервіне 25 кандидат жолдама алады. Олар сайланатын лауазымдарды қоспағанда, жергілікті атқарушы органдардағы "Б" корпусының мемлекеттік әкімшілік лауазымдарына жұмысқа орналасатын болады.
Сурет: Жамбыл облысы әкімінің баспасөз қызметі
