Ерекше балаларды қазақ тілінде оқытуға арналған алғашқы нұсқаулық жарыққа шықты

Ерекше балаларға арналған нұсқаулық, сурет - Zakon.kz жаңалық 23.02.2022 23:57

Сурет: pixabay

Елордада ерекше балаларды қазақ тілінде оқытуға арналған алғашқы нұсқаулық таныстырылды, деп хабарлайды Zakon.kz.

Кітап "Болашақ" корпоративтік қорының бастамасымен қазақ тіліне аударылған. Аудармашылар ағылшын авторларының ойларын мағынасын жоғалтпай қарапайым сөздермен жеткізуге тырысқан. Кітапты аудару жұмыстарына 2 жыл кетіп, 5 миллион теңге жұмсалған. Арнайы нұсқаулықтың 3 мың данасы жарық көрді. Олар арнайы мекемелерге, психологтарға, педагогтарға және ерекше балалардың ата-аналарына тегін беріледі, делінеді Астана телеарнасының сюжетінде .

Педагогтар, ассистенттер мен балалар қазақ тілінде сөйлейді және оқиды, ал барлық бағдарламалар орыс тілінде жасалған. Сондықтан біз мамандарға, ата-аналарға қазақ тілінде арнайы әдебиеттер, ғылыми нұсқаулықтар қажет екенін түсіндік. "Болашақ" корпоративтік қорының төрайымы Динара Шайжүнісова

Оқи отырыңыз