Бірінші сынып оқушысын шапалақпен тартып жіберген педагогтың ісі қайта қаралады
Сурет: Zakon.kz
Мектеп дәлізінде оқушысы қызды бетінен шапалақпен тартып жіберген адамның видеосы әлеуметтік желіде тарады. Зардап шеккен қыздың ата-анасы агрессия көрсеткен мұғалімге қатысты қолданылған жазаны қайта қарауды талап етеді, деп хабарлайды Zakon.kz.
Оқыс оқиға 12 сәуірде Түпқараған ауданының Ақшұқыр мектеп-гимназиясында орын алған.
Түпқараған аудандық білім бөлімінің 12 сәуірдегі бұйрығы бойынша Ақшұқыр мектеп-гимназиясының мұғаліміне "қатаң сөгіс" жарияланды. 14 сәуірде жоғарыда көрсетілген бұйрық негізінде педагог өз еркімен жұмыстан шығарылды. Маңғыстау облысының білім басқармасының баспасөз қызметі
Сонымен қатар, мектеп-гимназия директоры "ескерту" түріндегі тәртіптік жауапкершілікке тартылды.
Қазіргі уақытта ата-ананың бұл шешіммен келіспеуіне байланысты мәселе қайта қаралып, тиісті шаралар қабылданатын болады. Маңғыстау облысының білім басқармасының баспасөз қызметі
Айта кету керек, баланың ата-анасы жұмыстан кеткен мұғалімді оқытушылық қызметпен айналысу құқығынан айыруды және болашақта білім саласына жолатпауды талап етеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
